Rita Ora po shijon nxjerrjen në shitje të albumit të dytë në karrierë "Phoenix".
Këngëtarja së shpejti do të nis një turne të koncerteve anembanë globit me rastin e promovimit të albumit të ri.
Ajo tashmë ka kohë që merr pjesë në kampanja të ndryshme të kompanive ndërkombëtare sa i përket veshjeve.
Bukuroshja jonë do të jetë fytyrë e re e fushatës reklamuese të markës së njohur të modës, "ESCADA".
Kështu ka bërë të ditur biondina përmes llogarisë personale Instagram teksa tashmë ka pozuar për herë të parë.
"Unë jam aq e ngazëllyer dhe e nderuar që jam fytyra e re e Escadas për fushatën e tyre EscadaSS19. Bëhet fjalë për ngjyra të forta, mesazhe dhe gra të forta", ka shkruar ndër të tjerash 27-vjeçarja.
Ndryshe, gjersa kompania përmes ueb-faqes së tyre zyrtare kanë treguar se Rita e portretizon saktë shpirtin e "ESCADA"-së të një femre të fuqishme dhe lozonjare, por e cila është përgjegjëse për të ardhmen e saj. /Telegrafi/