'Rezervistët' e Bayernit mposhtin thellë Eintracht Frankfurtin, Shabani luan 56 minuta për Bavarezët

Bayern Munich ka fituar me rezultat të thellë 4-1 ndaj Eintracht Frankfurtit në ndeshjen e vlefshme për javën e 32-të Bundesligas.

Trajneri Jupp Heynckes kishte vendosur t'i pushoj shumicën e futbollistëve titullar ndaj Eintrachtitn pasi ka siguruar titullin kampion.

Heynkes kishte startuar me shumicën e futbollsitëve të rinj dhe disa nga ata që kanë luajtur më pak këtë sezon, ndërsa pjesë e formacionit titullar ishte edhe talenti me prejardhje nga Kosova, Meritan Shabani, i cili luajti për 56 minuta.

Pjesa e parë e takimit ishte e barabartë, por Bayerni arriti ta shënoj një gol në minutën e fundit me anë të të riut, Niklas Dorsch, i cili i qoi në pushim me epërsi 1-0.

Në pjesën e dytë, Bayerni arriti të shënoj edhe tri gola, ndërsa Eintrachti e shënoi vetëm një të nderit.

Sandro Wagner (76') shënoi për 2-0, por Sebastien Haller ngushtoi në 2-1, ndërsa pas tyre shënuan edhe Rafinha (87') për 3-1 dhe Niklas Sule që vulosi rezultatin përfundimtar 4-1.

Pas kësaj fitore, Bavarezët kanë plot 81 pikë në krye, ndërsa Eintrachti renditet i shtati me 46 pikë.

Në ndeshjen e radhës, Bayerni luan në udhëtim te Kolni, ndërsa Frankfurti e pret në shtëpi Hamburgun. /Telegrafi/