Rënie në shitjet e telefonave inteligjentë
Rreth 20 për qind më pak telefona të mençur u shitën në të gjithë botën, krahasuar me periudhën e njëjtë të vitit të kaluar.
Kriza e coronavirusit po bën që industria globale e komunikimit celular të bjerë në të gjithë botën.
Në tremujorin e dytë të vitit 2020, 295 milionë telefona inteligjentë u shitën - rreth 20.4 për qind më pak se një vit më parë, transmeton Telegrafi.
Ndërsa shitjet e Apple mbetën pothuajse të pandryshuara, Samsung regjistroi rënien më të madhe të shitjeve, siç tregon një analizë nga Gartner.
Samsung pati një rënie prej 27.1 për qind në tremujorin e dytë dhe shiti 55 milionë telefona të mençur.
Në Huawei, rënia ishte vetëm 6.8 për qind.
Por Huawei shënoi ngritje të lehtë në tregun e Kinës.
Në Apple, 38 milionë iPhone u shitën në tremujorin e dytë, që do të thotë një rënie prej vetëm 0.4 për qind krahasuar me një vit më parë - tregu kinez ishte gjithashtu vendimtar këtu.
Edicioni i ri i iPhone SE gjithashtu luajti një rol në suksesin e Apple.
Në Kinë, shitjet u rimëkëmbën pak në tremujorin e dytë, ndërsa në pjesën tjetër të botës ato akoma ishin në rënie.
Në Kinë u shitën 94 milionë telefona inteligjentë, që është një rënie prej vetëm 7 për qind krahasuar me një vit më parë. /Telegrafi/