11/01/2020
Real Madridi thuhet se ka arritur marrëveshje me Flamengon për transferimin e Reinieri Jesus.
Talenti brazilian po shkëlqen në këtë sezon, e që Los Blancos duan ta mbyllin transferimin e tij.
Sky Sports Italia raporton se 17-vjeçari i ka bërë me dije Flamengos se dëshiron ta mbyllë transferimin te skuadra spanjolle.
Real Madridi do t’i paguajë 35 milionë euro për transferimin e tij, në një marrëveshje pesëvjeçare.
Reinieri është cak edhe i disa skuadrave tjera evropiane, mirëpo lojtari është i vendosu që të kalojë në Santiago Bernabeu.
Ka disa ditë që raportohet se madrilenët e kanë kompletuar transferimin e tij, mirëpo ende nuk është zyrtarizuar dhe lojtari do të mbetet në huazim te Flamengo deri në fund të këtij sezoni. /Telegrafi/