Përkundër se Real Madridi po kalon në një periudhë me shumë lëndime të lojtarëve, Los Blancos arritën fitore 2-0 në Santiago Bernabeu ndaj Sevillas në La Liga.
Skuadra nga Madridi ishte dukshëm më e mirë, duke e shfrytëzuar kështu formën e dobët që po kalonin mysafirët.
Ishte Venicius Junior (6') ai që kishte rastin e parë në ndeshje, ndërsa për mysafirët rrezikoi Sergio Escudero (22). Në vazhdim nuk kishte raste serioze për gol dhe me rezultatin 0-0 përfunduan 45 minutat e parë.
Edhe pjesa e dytë filloi me një rast nga Vinicius (52'), pastaj Luka Modric (58') dhe Daniel Ceballos (67').
Pas rasteve erdhi dhe goli, ishte Casemiro që shënoi në minutën e 78-të një gol të bukur , por kjo nuk ishte e gjitha. Luka Modric shënoi për rezultatin përfundimtar 2-0 në minutat shtesë.
Pas kësaj fitore Reali ngjitet në vendin e tretë në La Liga me 36 pikë, ndërsa Sevilla renditet në vendin e katër me 33 pikë.
Ndeshja e ardhshme e skuadrës së Santiago Solarit është kundër Espanyolit, ndërsa Sevilla ndaj Levantes. /Telegrafi/