26/11/2020
Ministrja e Punëve të Jashtme dhe Diasporës, Meliza Haradinaj-Stublla ka reaguar pas letrës së emisarit të BE-së, Miroslav Lajçak dërguar kryeministrit Avdullah Hoti, ku i kërkon që presidentit të Serbisë, Aleksandar Vuçiq t’i lejohet lëvizja e lirë në Kosovë.
Haradinaj-Stublla përmes një reagimi në Twitter, ka shkruar se liria e lëvizjes nënkupton hapjen e Urës së Ibrit.
“Liria e lëvizjes, pikësëpari, nënkupton hapjen e menjëhershme të Urës së Ibrit në Mitrovicë”, ka shkruar Haradinaj-Stublla.
Ndryshe kryeministri Avdullah Hoti sot para mediave tha se kërkesat për hyrjen në Kosovë do t’i trajtojnë varësisht nga konteksti i ndjeshmërisë që mund të kenë. /Telegrafi/