27/12/2021
Ralf Rangnick ka konfirmuar se Anthony Martial po e kërkon largimin nga Manchester United, raporton BBC Sports.
Sulmuesi francez nuk po gjen hapësirë te Djajtë e Kuq, andaj kërkon të largohet qysh në këtë janar.
Nëpërmes një konference për media, Rangnick ka bërë të ditur se Martial e ka informuar për dëshirën e tij, por asnjë klub ende nuk ka bërë ofertë.
“Anthony dëshiron të shkojë. Ai më tha se mendon se është koha e duhur për një ndryshim”.
“Me sa di unë, nuk ka pasur ofertë nga ndonjë klub tjetër. Për sa kohë që është kështu, ai do të qëndrojë”, ka deklaruar strategu i Unitedit.
Raportohet se Barcelona, Sevilla dhe Juventusi po e kërkojnë transferimin e Martialit. /Telegrafi/