Aktorja britanike, Rachel Weisz dhe bashkëshorti i saj, Daniel Craig, janë bërë prindër të një vajze.
Dy aktorët i kanë njoftuar miqtë e tyre se janë të lumtur me ardhjen në jetë të fëmijës së tyre - transmeton Daily Mail.
Ky është fëmija i parë i përbashkët i çiftit, ndërsa është një lumturi e veçantë për ta, duke qenë se Weisz është bënë nënë në moshë 48-vjeçare.
Weisz dhe Craig janë në lidhje qe tetë vite, ndërsa u njoftuan në xhirimet e filmit "Dream House".
Më pas ata u martuan, mirëpo asnjëherë nuk kanë folur në publik për lidhjen e tyre dhe jetën private. Gjërat intime gjithmonë i kanë ruajtur për vete.
Aktorja e famshme ka qenë në lidhje nëntëvjeçare me filmbërësin Darren Aronofsky, me të cilin ka një djalë.
Nga ana tjetër, Craig ka qenë i martuar me aktoren skoceze, Fiona Loudon, me të cilën ka një vajzë. /Telegrafi/