Prishtina do të jetë nikoqire e ekipit nga Irlanda e Veriut, Larne, me fillim nga ora 20:00 në stadiumin ‘Fadil Vokrri’.
Kjo përballje luhet në kuadër të kualifikimeve për në fazën e ligës së Ligës së Konferencës.
Takimi i parë mes këtyre dy skuadrave përfundoi me rezultat të barabartë 0-0 çka u pa si diçka pozitive për kryeqytetasit.
Tani, të besuarit e Arsim Thaçit me ndihmën e tifozëve do të synojnë kualifikimin në rrethin e tretë të Ligës së Konferencës.
Në këtë drejtim, tekniku Thaçi ka vendosur të futet në fushë me futbollistët më të mirë që ka në dispozicion.
Formacionet zyrtare:
Prishtina: Nika, Bytyqi, Limani, Boueye, Vitija, Namani, Taipi, Saletic, Muja, Kryeziu, Veliu.
Larne: Ferguson, Graham, Donnelly, Nalan, Cosgrove, Gallagher, Randalli, Sloan, McKendry, O’Neill, Bent.
/Telegrafi/