Prilepi vendosi t'u mundësojë pensionistëve transport publik falas
29/01/2018
Këshilli i komunës së Prilepit e ka mbajtur seancën e tetë me radhë ku ka vendosur në të mirë të pensionistëve të këtij qyteti, përcjell Telegrafi Maqedoni.
Këshilli vendosi që pensionistët të kenë të drejtën e transportit publik falas, respektivisht për gratë që kanë arritur moshën 62 vjeçare, dhe burrat që kanë arritur moshën 64 vjeçare.
Në mbledhje u miratua edhe raporti i punës së këshillit për vitin 2017, pastaj plani financiar për punën e çerdheve të fëmijëve "E ardhmja jonë".
U miratua edhe programi i ndërmarrjes publike "Komunalec". Këshillëtarët e OBRM-PDUKM-së e lëshuan mbledhjen si shenjë proteste dhe në mbështetje të të arrestuarve të akuzuar për ngjarjet e 27 prillit të vitit të kaluar në Kuvendin e Maqedonisë./Telegrafi/