05/05/2018
Dueti mes Lumi B dhe karakterit të Vedat Bajramit - Liki është pëlqyer shumë që nga dita e parë e lansimit.
Videoja muzikore e këngës "Power" ishte dhënë premierë në platformën online GjirafaVideo.
Kënga që përmban një tekst tejet komik është pjesë e serialit të popullarizuar, “Egjeli”.
Pas lansimit në platformën GjirafaVideo, videoklipi i kësaj kënge u publikua edhe në kanalin e Lumi B në YouTube.
Një javë pas publikimit, videoja muzikore është shikuar mbi 1.2 milionë herë në shërbimin e po popullarizuar të shpërndarjes së videove.
Pas kësaj kënge qëndron autori i shumë hiteve, Arbër Gjikolli - i njohur si Big Bang.
Ndërkaq, realizimi është bërë në studion e njohur të RedBox Entertainment. /Telegrafi/