Kryeministri polak, Donald Tusk, është takuar me presidentin ukrainas, Volodymyr Zelenskyy, në Kiev, ku janë pajtuar që të dy vendet të finalizojnë bisedimet për investimet në prodhimin e përbashkët të municioneve dhe armëve.
Gjithashtu, Tusk tha se Polonia dhe Ukraina kanë një pikëpamje të përbashkët për çështjet kufitare që pengojnë transitin e mallrave.
Udhëheqësi polak, i cili u kthye në pushtet muajin e kaluar, dëshiron të tregojë se një ndryshim në qeveri nuk do të sjellë ndryshim në politikën e Ukrainës.
Ai pritet të takohet edhe me kryeministrin ukrainas, Denys Shmyhal.
Vizita e tij erdhi një ditë pasi zyrtarët e Moskës raportuan se bombardimet ukrainase kanë vrarë të paktën 27 persona në periferi të një qyteti të pushtuar rus. /Telegrafi/