Po vjen Need for Speed Most Wanted Remake?

Nëse duhet besuar aktorja Simone Bailey, e cila luajti në Need for Speed Most Wanted në vitin 2005, kjo lojë do të ribëhet vitin e ardhshëm.

Një njoftim mjaft interesant u shfaq duke sugjeruar se diku në ambientet e Electronic Arts, po përgatitet një xhirim i hitit të vjetër Need for Speed Most Wanted.

Gjithçka është jozyrtare për momentin, por informacioni vjen nga aktorja Simone Bailey, e cila ka luajtur rolin e Oficerit të Policisë Turf në filmin origjinal Most Wanted në 2005.

"Need for Speed: Most Wanted Remake do të prezantohet në vitin 2024, komentoni nëse doni të shihni Cross (Dean McKenzie) dhe partnerin e tij (Simone Bailly) duke gjuajtur shoferët më të kërkuar", Bailey shkroi në Twitter.

Më pas postimi u zhduk shpejt, që mund të nënkuptojë se ishte i parakohshëm.

Sipas disa statistikave, Most Wanted është pjesa më e shitur e serisë Need for Speed, e cila do të mbushë 30 vjet vitin e ardhshëm. Prandaj, nuk është e paimagjinueshme që shtëpia botuese Electronic Arts dëshiron të përsërisë të paktën një pjesë të këtij suksesi.

NFS Unbound i vitit të kaluar solli një frymë të freskët në serinë e vjetër, por rezultatet e shitjeve nuk ishin të shkëlqyera, kështu që shtatë muaj më vonë loja po shitet me një çmim 70 për qind më të ulët. /Telegrafi/