Pensionistët fyhen nga shoferët dhe konduktorët e linjave tre dhe katër në Prishtinë (Video)

Pensionistët e kryeqytetit iu gëzuan shumë vendimit të kryetarit Ahmeti që ua mundësoi qarkullimin falas për autobusët e linjës tre dhe katër.

Megjithatë, këta persona në moshë të shtyre nuk po e gëzojnë edhe respektin dhe trajtimin e duhura nga ana e vozitësve dhe konduktorëve, raporton KTV.

Prej tyre, pothuajse çdo ditë kur ata përdorin transportin publik kryesisht të linjës tre përballen me fjalë nga më të ndryshmet duke i ofenduar rëndë.

Pensionistët ankohen se ka pasur edhe raste kur kanë qenë të vetëm në stacion duke pritur autobusin e vozitësit e kësaj linje nuk janë ndalur fare aty.

Ndonëse Komuna e Prishtinës kryen obligimin e vetë për pagesë të biletave të këtyre pensionistëve, drejtuesit e autobusëve vazhdojnë me ritmin e njëjtë të mos përfilljes së kësaj kategorie.

Pensionistët njëzëri kërkojnë që kryetari Ahmeti këtë lloj të shërbimit falas për qarkullim t’ua mundësojë edhe për linjat e tjera në kryeqytet.