Panairi i librit në Durrës bashkon botues nga Kosova e deri në SHBA
36:"????????????????????????????????????
10/08/2018
Është hapur në Durrës edicioni i tretë i panairit ndërkombëtar të librit shqip, “Durrës Script”.
Ky aktivitet që zhvillohet në shëtitoren Taulantia, që organizohet nga shoqata kulturore “Durana” dhe Bashkia e Durrësit, do të zgjasë deri në 12 gusht.
Në stendat e këtij panairi përfaqësohen më shume se 65 shtëpi botuese, që vijnë nga Shqipëria, Kosova, Maqedonia, Mali i Zi, Greqia, Italia e Anglia. Risi për këtë vit është ardhja e përfaqësuesve të shtëpive botuese nga SHBA.
Rreth 60 mijë tituj librash janë të pranishëm nëpër stenda, nga të cilat 550 janë tituj të rinj të prodhuar enkas për këtë panair. /ATA/