Ora e artë e pasagjerit të Titanikut shitet për një çmim rekord
23/11/2025
Një orë xhepi prej ari që i përkiste një çifti të moshuarish që u mbytën kur Titaniku u fundos është shitur për një shifër rekord prej 1.78 milionë funtesh në ankand.
Ora 18-karatëshe ishte në pronësi të pasagjerit të klasit të parë Isidor Straus, i cili vdiq kur anija u mbyt në prill të vitit 1912.
Ai dhe gruaja e tij Ida u portretizuan në filmin Titanic si një çift që përqafuan njëri-tjetrin ndërsa anija po fundosej.
Kur iu ofrua një vend në një varkë shpëtimi për shkak të moshës së tij, ai u përgjigj se nuk do të shkonte para burrave të tjerë.
Gruaja e tij refuzoi ta linte dhe kështu ata ndërruan jetë së bashku.
Ora u gjet nga trupi i Straus së bashku me sende të tjera personale dhe iu kthye familjes së tij. /Telegrafi/