Manchester Unitedi ka konfirmuar se do të humbë 21 milionë funte (24.5 milionë euro) vetëm nga sponsorimi nëse humb në finale të Europa League (që për pasojë do të humbte pjesëmarrjen në Ligën e Kampionëve në sezonin e ardhshëm).
Humbja nga Tottenham Hotspur në fundjavën që e shkoi i la Djajtë e Kuq edhe matematikisht jashtë garës për vendin e katërt.
Në këtë mënyrë, për të luajtur në garën më të madhe të klubeve në edicionin e ri, skuadra e Jose Mourinhos duhet të fitojë më 24 maj në Stokholm kundër Ajaxit.
Zyrtari për financa te Unitedi, Cliff Baty, ka konfirmuar të martën se marrëveshja e klubit me Adidasin (70 milionë funte) do zvogëlohej për 30 për qind në rast të moskualifikimit në Ligën e Kampionëve.
Sa i përket këtij sezoni, aktualisht Manchester Unitedi qëndron në pozitën e gjashtë në tabelë që siguron pjesëmarrjen në kualifikime për Europa League, ndërsa kanë mbetur edhe dy xhiro deri në fund. /Telegrafi/