Java e 24-të në Ligën e Parë vazhdon edhe sot me tri ndeshje interesante tejet interesante, në kuadër të Grupit A dhe B.
Në Grupin A do të zhvillohen dy takime, e më interesante pritet të jetë përballja në mes Vëllaznimit dhe Drenasit, pasi të dy skuadrat ndodhen në pjesën e poshtme të tabelës.
Vëllaznimi ndodhet në pozitën e tetë në tabelë me 26 pikë, derisa Drenasi është një pozitë më poshtë me katër pikë më pak.
Kurse dueli tjetër është ndërmjet Malishevës dhe Vushtrrisë, skuadra e Arsim Thaqit kërkon fitoren për të mbajtur në presion Dukagjinin e cila ndodhet në vendin e parë, ndërsa vushtrriasit kanë pak gjasa sa i përket triumfit, pasi që ndodhen në vendin e fundit të këtij grupi.
Ndërkohë në grupin B do të zhvillohet vetëm një takim, ku do të zhvillohet derbi rajonal mes Vitisë dhe Ferizajit.
Të dyja skuadrat kanë pësuar humbje të njëpasnjëshme në javët e fundit dhe synojnë këndelljen pikërisht në ndeshjen e sotme kur do të përballen mes vete.
Liga e Parë e Kosovës:Grupi A
Vëllaznimi - Drenasi
Malisheva - Vushtrria
Grupi B
Vitia - Ferizaj /Telegrafi/