Jesse Lingard e ka humbur vendin e titullarit te Manchester United pasi ka pasur rënie në formën e tij.
Mesfushori ofensivë anglez dëshiron që të luaj vitin e ardhshëm në kampionatin evropian dhe duke qëndruar në bankën rezervë nuk pritet të marrë ftesë nga Anglia.
Kjo ka bërë që të mendoj largimin nga Old Traford dhe tani pritet ribashkimi i tij me Jose Mourinhon.
Trajneri portugez e vlerëson shumë Lingardin dhe ka kërkuar nga drejtuesit e klubit ta sjellin atë në Tottenham.
Sipas asaj që kanë raportuar mediat angleze, Spurs ka gati ofertën prej 30 milionë euro për të.
Kjo ofertë duket se ka kënaqur Djajtë e Kuq të cilët pritet ta pranojnë dhe ta lejojnë largimin e Lingard.
27-vjeçari edicionin e kaluar në 40 ndeshje zyrtare realizoi katër gola dhe bëri dy asistime.
Gjithnjë sipas shtypit britanik, zyrtarizimi i tij te Spurs pritet të bëhet në fillim të javës së ardhshme. /Telegrafi/