Milani thuhet se dëshiron që trajneri i Tottenham Hotspur, Mauricio Pochettino, të jetë trajneri i tyre i ardhshëm.
Sipas mediumit Corriere della Sera, mbajtja e Gennaro Gattusos do të merret parasysh vetëm nëse Milani kualifikohet në Ligën e Kampionëve.
Pavarësisht nga lidhjet e tij me Arsenalin, gazeta shkruan se drejtori Ivan Gazidis e ka identifikuar Pochettino si "kandidatin ideal" për ta drejtuar Milanin.
Argjentinasi ka qenë në Tottenham që nga viti 2014, duke i kthyer ata në një skuadër serioze dhe pretendentë të Ligës Premier për disa sezone.
Megjithatë, Rossonerët do të kenë vetëm një mundësi për të marrë atë dhe kjo është nëse kthehen në Ligën e Kampionëve.
Ndërkohë, gazeta Tuttosport thotë se Elliott Management ka udhëzuar Gattuson dhe drejtorin teknik Leonardo për të rikthyer klimën pozitive pas disfatës në derbi ndaj Interit. /Telegrafi/