03/03/2021
Një kombi i një kompanie të sigurimeve ka marrë flakë në autostradën Prishtinë-Prizren, afërsisht në Malishevë.
Në fotografitë që janë dërguar në redaksi të Telegrafit, shihet se vetura ka marrë flakë në pjesën e përparme.
Lajmin për Telegrafin e ka konfirmuar zëdhënësi i Policisë së Kosovës, Daut Hoxha.
“Sot rreth orës 12:00 në autostradën "Ibrahim Rugova" afër hyrje-daljes Malishevë është pranuar informata se një automjet është kapluar nga zjarri. Njësitet përkatëse iu kanë përgjigjur rastit dhe kanë ndërmarr veprimet e nevojshme”, tha Hoxha. /Telegrafi/
