Ekzaminimet mjekësore kanë konfirmuar se Weston McKennie ka pësuar një lëndim muskulor që do ta lë jashtë fushe për një kohë.
Mesfushori amerikan ka luajtur rregullisht këtë sezon nën urdhrat e Massimiliano Allegrit duke zhvilluar 719 minuta përgjatë 11 paraqitjeve në Serie A.
24-vjeçari ishte startues në fitoren prej 1-0 ndaj Lecces në fundjavë, por u zëvendësua pas pjesës së parë nga Nicolo Fagioli, i cili e shënoi golin e fitores.
Bianconerët kanë njoftuar se ekzaminimet mjekësore kanë treguar se për dëmtim të muskulit rectus femoris në kofshën e djathtë.
Stafi mjekësor i Zonjë së Vjetër do ta monitorojë mesfushorin në baza ditore dhe ai tashmë është në dyshim për ndeshjet ndaj Paris Saint-Germainit (2 nëntor) dhe Interit (6 nëntor).
McKennie ka shënuar tre gola dhe ka dhuruar një asistim në 16 paraqitje në të gjitha garat për Juventusin këtë sezon. /Telegrafi/