Manchester City ka fituar ndaj Swanseas me rezultat 5-0 në Ligën Premier.
Edhe pse vendasit kanë siguruar titullin, ndërsa mysafirëve iu nevojit për mbijetesë, skuadra e Pep Guardiolas nuk tregoi mëshirë për ekpin e Carlos Carvalhal.
Goli i parë në takim u shënua nga Daivd Silva (12'), ndërsa pas katër minutash shënoi edhe Raheem Sterling.
Në pjesën e dytë shënoi edhe Kevin De Bruynen (54'), ndërsa Bernardo Silva (64') shënoi pasi Gabriel Jesus dështoi nga pika bardhë.
Jesus përmirësoi gabimin në minutën e 88-të, duke shënuar gol pas asistimit nga Yaya Toure.
Pas xhiros së 34 në Ligën Premier, Man City ka 90 pikë në vendin e parë, kurse Swansea në pozitën e 17-të me 33 pikë (katër pikë larg zonës që shpie në Championship).
Ndeshja e ardhshme e Cityt është ndaj West Hamit, kurse Swansa udhëton te Chelsea. /Telegrafi/
https://www.dailymotion.com/video/x6i8hxp
https://www.dailymotion.com/video/x6i8h82