Jurgen Klop po kërkon, por nuk mund të gjejë një skuadër me të cilën Liverpool do të luajë një ndeshje miqësore para finales së Ligës të Kampionëve.
Kampionati i Anglisë përfundoi më 12 maj dhe që atëherë deri në finalen e ligës elitare evropiane për klube, më 1 qershor, nuk ka ndeshje. Për gjermanin, ky është një problem i madh të cilin po përpiqet ta zgjedh.
"The Sun" raporton se AZ Alkmaar ka refuzuar të luaj një ndeshje miqësore kundër The Reds. E njëjta gazetë shkruan sot se ata nuk janë të vetmit që janë kontaktuar dhe e kanë refuzuar këtë mundësi.
Arsyeja qëndron në faktin se kampionatet kanë përfunduar dhe se lojtarët e klubeve kanë shkuar për pushime gjersa ekipet, kampionatet e të cilëve ende janë në vazhdim, nuk kanë nevojë për lojë shtesë.
Nuk ka asnjë informacion nëse Pochettino po kërkon një kundërshtar për Tottenham Hotspursin, por është e sigurt të thuhet se 19 ditë pa një ndeshje zyrtare, nuk është fare mirë për futbollistët.
Ndryshe, ndeshja mes këtyre dyja skuadrave do të zhvillohet më 1 qershor në stadiumin madrilen të Wanda Metropolitano. /Telegrafi/