14:"Ridvan Slivova
28/03/2019
Grupet parlamentare të Kuvendit të Kosovës kanë mbështetur në parim Projektligjin për mbylljen e lojërave të fatit.
Me 63 vota pro e tri abstenime, ka kaluar në parim projektligji për ndalimin e lojërave të fatit.
Me anë të këtij projektligji ndalohen lojërat e fatit për 10 vjet, përveç lotarisë së Kosovës.
U theksua se duhet pasur kujdes te mënyra se si do të funksionojë Lotaria e Kosovës, për të cilën më herët është thënë se nuk duhet të mbyllet.
Pas këtij votimi, kreu i Kuvendit, Kadri Veseli u shpreh se seanca e jashtëzakonshme për leximin e dytë të këtij projektligjit do të fillojë në ora 18:30 /Telegrafi/