14:"Ridvan Slivova
25/03/2021
Kryeministri i Kosovës, Albin Kurti sot priti në takim deputeten e Kuvendit të Kosovës, Vjosa Osmanin.
Përmes një njoftimi për media, thuhet se Kurti shprehu gatishmërinë e tij për bashkëpunim institucional për shtet ndërtim demokratik dhe progres të gjithanshëm të vendit.
“Sot, Kryeministri i Republikës së Kosovës, Albin Kurti priti në takim deputeten e Kuvendit të Kosovës dhe Presidenten në ardhje të Republikës, Vjosa Osmani. Osmani uroi Kryeministrin Kurti për detyrën e re dhe i dëshiroi atij dhe kabinetit qeveritar suksese. Kryeministri Kurti e falënderoi Osmanin dhe shprehu gatishmërinë e tij për bashkëpunim institucional për shtet ndërtim demokratik dhe progres të gjithanshëm të vendit tonë”, thuhet në njoftim. /Telegrafi/
