Kryeministri japonez mbërrin në Kiev ndërsa Ukraina "zmbraps avancimin rus për në qendër të Bakhmutit"
Forcat e Kievit kanë zmbrapsur përpjekjet ruse për të avancuar në qendër të Bakhmutit, ka pohuar një gjeneral i lartë ukrainas.
Beteja disamujore për qytetin e vogël lindor është bërë një nga më të përgjakshmet e luftës gati 13-mujore të Rusisë në Ukrainë, përcjell Telegrafi.
"Grupet e sulmit të armikut po përpiqen të avancojnë nga periferia në qendër të qytetit, por forcat tona të mbrojtjes po punojnë dhe i shkatërrojnë ato 24/7", shkroi në Telegram Oleksandr Syrskyi, komandanti i Forcave Tokësore të Ukrainës.
Ai pretendoi se kishte luftime intensive përgjatë vijës së frontit lindor.
Rusia e ka bërë pushtimin e Bakhmutit një prioritet në strategjinë e saj për të marrë kontrollin e rajonit industrial të Donbasit të Ukrainës.
Dhe nëse forcat ruse marrin Bakhmutin, do të jetë fitimi i parë territorial i Moskës që nga vera e kaluar.
Deklarata e gjeneralit ukrainas vjen në ditën kur kryeministri japonez Fumio Kishida ka mbërritur në kryeqytetin ukrainas për bisedime me Volodymyr Zelenskyy.
Vizita e tij e papritur vjen një ditë pasi Xi Jinping, udhëheqësi kinez, u mirëprit në Moskë nga Vladimir Putin. /Telegrafi/