14:"Ridvan Slivova
28/06/2018
Ministrja e Integrimeve Evropiane (MIE), Dhurata Hoxha nuk ka dhënë një datë të saktë se kur do të jepet rekomandimi i Komisionit Evropian (KE) për çështjen e liberalizimit të vizave.
Hoxha në një konferencë për media ka folur për vizitat që i ka bërë në javën e fundit në disa vende të Bashkimit Evropian (BE), për të lobuar për liberalizimin e vizave.
“Rekomandimi, që do të jetë në ditët e fundit të qershorit ose në javën e parë të korrikut, presim që të dalë pozitiv. Kjo presim që të ndodhë para pushimeve të verës”, ka shtuar Hoxha.
Sipas saj, synimi i tyre ishte që të ketë një proces vendimmarrës pa vonesa.
"Qëllimi është të bëjmë sa më shumë, sepse fazat tjera janë në duart e Bashkimit Evropian (BE)", tha Hoxha. /Telegrafi/