Komuna e Prishtinës fton parkingjet private të aplikojnë për leje deri më 31 gusht
14/08/2026
Komuna e Prishtinës ka ftuar operatorët e parkingjeve private në kryeqytet që të aplikojnë për pajisje me leje.
Sipas njoftimit të Komunës, aplikimi bëhet përmes platformës online të aplikimeve, ndërsa afati i fundit është 31 gusht 2026.
Komuna ka paralajmëruar se aplikimet e dorëzuara pas këtij afati nuk do të shqyrtohen.
Operatorët e interesuar mund të aplikojnë përmes platformës së aplikimeve të Komunës së Prishtinës dhe të konsultojnë thirrjen përkatëse për kushtet dhe procedurat e aplikimit.