Liverpooli ka marrë një fitore spektakolare në udhëtim te Aston Villa.
Skuadra nga Anfield ishte duke humbur në pjesën e parë me rezultat 1-0, por në fund bënë përmbysje duke fituar takimin 1-2.
Andrew Robertson dhe Sadio Mane shënuan golat në minutat e fundit për fitoren e 10-të këtë edicion të The Reds.
Trajneri i Liverpoolit, Jurgen Klopp ka thënë se nuk besonte se do të marrin fitore ndaj Villas.
“Duke qenë se kemi realizuar disa përmbysje në minutat e fundit në këto ndeshjet e fundit, nuk mendoja se do të arrinim një tjetër ndaj Aston Villës”.
“Nuk kemi zgjedhje tjetër përveçse të vazhdojmë përpara. Do të ishte një ndeshje e vështirë dhe kjo dihej për shkak të cilësisë së Aston Vilës. Ia vështirësuam punën vetes. Nisëm të luajmë futboll, por jo siç duhej. Pësuam një gol dhe nuk ishte e lehtë të ndryshonim pasimet e gabuara”, tha trajneri i Liverpulit
“Kur shënon vonë është fat, por kjo nuk do të thotë se nuk e merituam të fitonim”, deklaroi Klopp.
Liverpooli vazhdon të mbetet lider në Ligën Premier me 31 pikë pas 11 ndeshjeve. /Telegrafi/