Talenti i madh portugez, Joao Felix, ka përfunduar në listën e dëshirave të klubit të madh italian Juventusit.
Joao Felix është 19 vjeç dhe tashmë ka katër gola në 10 paraqitje për vendin e tij në ekipin e moshave nën 21-vjeç.
Mesfushori me tipare sulmuese ka shënuar gjithashtu 10 gola dhe gjashtë asistime në 27 ndeshje me Benfincan në këtë sezon.
Kjo formë e mirë e tij dhe mosha e re ka bërë që shumë klube të mëdha evropiane të shprehin interesim serioz për të.
Njëra nga to është edhe skuadra italiane Juventusi, të cilët tashmë kanë bërë qasjen fillestare për lojtarin.
Sipas mediumit Sky Sport Italia, Juventusi u takua me Benficën dhe agjentin Jorge Mendes gjatë të mërkurës.
Në takim thuhet se u diskutua për një transferim gjatë verës të talentin Joao Felix në Allianz Stadium.
Bianconerët nuk janë të vetmit që e duan lojtarin, sepse i njëjti burim sugjeron se Manchester Unitedi dhe Manchester City kanë zhvilluar gjithashtu bisedime me klubin portugez. /Telegrafi/