Juventusi do të ringjallë këtë verë interesin e tyre në mbrojtësin e djathtë të Arsenalit, Hector Bellerin.
Bellerin ishte i lidhur me Juve në secilën prej dy dritareve të fundit të transferimeve, por një kalim nuk u materializua.
Kështu, pas dështimeve të njëpasnjëshme u raportua se Zonja e Vjetër ka hequr dorë nga shërbimet e spanjollit.
Sipas mediumit britanik The Guardian, Bianconerët pritet të gjykojnë lojtarin e Arsenalit për të tretën herë.
Megjithatë, gazeta paralajmëron se vetëm një ofertë në rajonin e 50 milionë eurosh do të jetë e mjaftueshme për të bindur Arsenalin për largimin e lojtarit.
Përveç mbrojtësit si 'prioritet' nënshkrimi për Juven, The Guardian vëren se spanjolli është i zhgënjyer me hapat mbrapa të Topçinjve kohëve të fundit.
22-vjeçari është përmendur gjithashtu si një objektiv i mundshëm për Barcelonën, ku ai filloi karrierën e tij.
Bellerin këtë sezon nuk është në formën më të mirë, por talenti i tij nuk mungon dhe ndër vite ka bartur rol të rëndësishëm te Arsenali. /Telegrafi/