Juventusi është përpjekur disa herë që ta rrëmbejë Hector Bellerinin nga Arsenali gjatë verës, raportojnë mediat italiane.
Bianconerët ishin në kërkim të një zëvendësuesi të Dani Alves, ndërsa më pas e transferuan Mattia De Sciglion nga Milani.
Tuttomercatoweb bën të ditur se Juve kishte tentuar ta transferonte Bellerinin në disa raste, duke kontaktuar edhe me klubin dhe me përfaqësuesit e tij.
Megjithatë, ata nuk ia dolën që të arrinin marrëveshje për transferimin e lojtarit.
Bellerin rrjedh nga Akademia e Barcelonës, ndërsa Arsenalit iu bashkua në vitin 2011.
Tre vite më vonë, ai u inkuadrua në skuadrën e parë.
Futbollisti ka kontratë me Topçinjtë deri në vitin 2023, të cilën e ka nënshkruar para një viti.
Nuk dihet se a do të arrijë Juventusi t’i sigurojë shërbimet e tij. /Telegrafi/