Cristiano Ronaldo po e kërkon me ngulm largimin nga Manchester United në këtë afat kalimtar.
Ylli portugez nuk dëshiron të luajë në Ligën e Evropës sezonin e ri, andaj po kërkon largimin nga Djajtë e Kuq.
Sipas asaj që raporton The Athletic, Jorge Mendes është takuar me drejtuesit e Sporting Lisbonës për të realizuar transferimin e klientit të tij.
Ende nuk ka ndonjë lëvizje konkrete, por 37-vjeçari dëshiron të luajë në Ligën e Kampionëve.
Ronaldo e di se Manchester United mund të rikthehet në garën më të madhe për klube në Evropë në sezonin 2023/24, por që synon të largohet si i huazuar.
Mirëpo, mbetet të shihet nëse Sporting Lisbona mund të realizojë transferimin e tij, apo do ta refuzojë si skuadrat e tjera evropiane që kanë bërë deri më tani. /Telegrafi/