Januzaj realizon het-trik në fitoren e thellë të Sociedadit

Adnan Januzaj është rikthyer në formën e tij më të mirë.

Sulmuesi nga Kosova ka shkëlqyer në fitoren e thellë të Real Sociedadit në Kupën e Spanjës.

Real Sociedad ka shënuar fitore të thellë 0-8 në udhëtim tek skuadra amatore Becerril ku Januzaj shënoi tre gola.

Istogasi shënoi në minutat 44’, 46’ dhe në të 63-tën për ta kompletuar het-trikun.

Përveç tre golave, sulmuesi anësor nga Kosova asistoi edhe tek një gol tjetër i shënuar nga Pardo.

Për 24-vjeçarin këta ishin tre golat e parë këtë edicion në futbollin spanjoll me Sociedadin. /Telegrafi/