04/12/2019
Presidenti i Shqipërisë, Ilir Meta po qëndron sot në Kosovë. Ai sot ka dekoruar njësitet e kërkim shpëtimit të Kosovës që shërbyen në ndihmë pas tërmetit tragjik në Shqipëri.
Meta tha se çdo vend i NATO-s do të ishte i kënaqur me atë që ka shfaqur FSK gjatë ditëve të kërkim-shpëtimit në Shqipëri, pas tërmetit të fuqishëm qe goditi vendin.
E në këtë ceremoni nuk mungoi as qeni i famshëm i FSK-së, i cili u bë heroi i 26 nëntorit, duke shpëtuar disa jetë pas tërmetit.
Meta madje u përkul dhe e puthi në ballë qenin hero të FSK-së.
Kujtojmë se pa ndihmën e këtyre qenve, identifikimi i personave nën rrënoja në ditën e tërmetit do të kishte qenë shumë i vështirë. /Telegrafi/
