Hoti nuk do të jetë kandidat i LDK-së për kryetar të Prishtinës

Ministri i Financave, Avdullah Hoti ka mohuar zërat se do të jetë kandidat i Lidhjes Demokratike të Kosovës për kryetar të komunës së Prishtinës.

Hoti në një konferencë për media theksoi se LDK-ja ka kandidatë më të mirë se ai për kryetar të Prishtinës.

“Nuk është e vërtetë se do të kandidohem për kryetar të Prishtinës. Ka brenda partisë kandidatë më të mirë. Unë e kam një detyre si ministër i Financave”, tha Hoti.