Grupi i Kosovës: Republika Çeke mposht Anglinë - Mali i Zi dhe Bullgaria luajnë pa gola

Republika Çeke ka regjistruar fitore prej 2-1 kundër Anglisë në ndeshjen e vlefshme për Grupin A kualifikues për 'Euro 2020' që u zhvillua në Sinobo Stadium në Pragë.

Rezultati u zhbllokua që në minutën e pestë të sfidës me një gol të shënuar nga Harry Kane nga pika e bardhë.

Mirëpo, nuk zgjati shumë dhe vendasit e barazuan rezultatin përmes Jakub Brabec (9'), i cili u asistua nga Ondrej Celustka.

Golin e përmbysjes dhe të fitores e shënoi Zdenek Ondrasek në minutën e 85-të, pas asistimit nga Lukas Masopust.

Kjo ishte humbja e parë e Anglisë në fazën kualifikuese, ndërkohë që i kishte fituar katër ndeshjet e para.

Në ndërkohë, ndeshja tjetër e Grupit A (pjesë e të cilit është edhe Kosova) ndërmjet Malit të Zi dhe Bullgarisë është mbyllur pa gola. /Telegrafi/

https://www.dailymotion.com/video/x7mjcch