Ditën e sotme (e diel) këngëtarja Era Istrefi feston ditëlindjen e 27-të.
Artistja, e lindur më 4 korrik 1994, vazhdon të jetë në formë e shumë e pëlqyer nga publiku.
Ajo me këtë rast ka realizuar një set të ri fotografik, në të cilin nuk ka ngurruar të shfaqet atraktive e me stil mjaft unik.
E veshur në një fustan transparent të bardhë e me stil flokësh të veçantë, krijuesja e hitit “Bon Bon” edhe në këtë ditë është siguruar të marrë gjithë vëmendjen.
Duke mos lënë asnjë përshkrim shtesë, në një nga fotografitë e parë Istrefi pozon pranë një torte po ashtu sipër së cilës janë një sërë lulesh.
Të shumta kanë qenë urimet që ka pranuar nga miqtë e fansat, meqenëse vetëm në Instagram numëron 1.5 milion ndjekës.
Era përndryshe ndër vite ka korrë suksese të mëdha në trojet shqiptare, por edhe në botë.
Ajo prej disa vitesh i është bashkuar tregut muzikor internacional dhe ka sjell bashkëpunime me emrat më eminentë. /Telegrafi/