Thomas Strakosha me entuziazëm të madh iu bashkua skuadrës angleze Brentford gjatë afatit kalimtar të verës.
Megjithatë aventura angleze nuk ka shkuar siç është më së miri për reprezentuesin shqiptar.
27-vjeçari ende nuk ka luajtur asnjë ndeshje në Ligën Premier me fanellën e Brentfordit, duke qenë rezervë e spanjolli David Raya.
Reprezentuesi shqiptar ka mbrojtur në vetëm një ndeshje në EFL Cup, ku qëndroi 90 minuta në fushë dhe mbajti portën e paprekur.
Megjithatë hapësirat e pakta kanë bërë që Strakosha të kërkojë largimin nga Brentfordi në afatin kalimtar të janarit.
E ardhmja e shqiptarit mund të jetë sërish në Itali, pasi shqiptari vlerësohet nga një numër i madh i skuadrave.
Gjithsesi Brentford pritet ta huazojë për gjashtë muaj Strakoshën deri në verën e vitit 2023 tek ndonjë skuadër që i ofron minuta. /Telegrafi/