Modelja e njohur Kendall Jenner numëron me mijëra fansa anë e mbanë globit, dhe është shumë e pëlqyer për stilin e saj.
Megjithëse është e kujdesshme në çdo prezantim, paraqitja e saj e fundit në "Golden Globe" bëri shumë bujë në media.
Ajo është diskutuar shumë, ngaqë ishte treguar pak e pakujdesshme me fytyrën e saj, duke mos mbuluar aq sa duhet aknet e saj.
Fytyra jo shembull mori vëmendjen e të gjithëve, duke bërë që edhe modelja të reagojë rreth këtyre shkrimeve.
‘’Mos i lë kurrë këto gjëra që të ndalin’’, ka shkruar ajo në një status në Twitter, duke lënë të nënkuptohet që njerëzit kanë keqpërdorur natyralitetin e saj.
Kendall e ka cilësuar si normal problemin me akne në moshën e saj, duke thënë se një problem të tillë e kanë shumë femra në botë.
Sa i përket trupit, ajo dukej bukur dhe seksi veshur me një fustan të zi, i cili nxori mjaft mirë në pah hiret trupore. /Telegrafi/
