23/12/2021
Telegrafi ka mësuar se një alarm për bombë te stacioni i autobusëve në Prishtinë është raportuar nga qytetarët në Policinë e Kosovës.
Policia ka dalë në vendin e ngjarjes dhe ka filluar të bëjë evakuimin e qytetarëve.
Policia ka bërë të ditur për Telegrafin se rreth orës 14:00 minuta ka pranuar një telefonatë anonime, përmes së cilës një person ka deklaruar se ka vendosur mjete shpërthyese në Stacionin e Autobusëve, në Prishtinë.
Njësitet policore janë duke e hetuar rastin./Telegrafi/
