21/11/2016
Dua Lipa po vazhdon me koncertet muzikore anembanë botës.
E për këto paraqitje skenike, por edhe jashtë salla koncertale, dikush duhet të përkujdeset për veshjet e këngëtares.
E për një pjesë të aksesorëve të Duas po kujdeset modelja dhe kreatorja e modës Agnesa Vuthaj, transmeton Telegrafi.
Në fakt, çantat e prodhuara prej bukuroshes istogase po i bart këngëtarja shqiptare.
Theksojmë se Agnesa ditë më parë i kishte prezantuar Duas koleksionin e çantave në New York, ku ka marrë pjesë në eventin “The Russian Tea Room”, që u organizua me qëllime humanitare, për të ndihmuar nënat dhe fëmijët e varfër.
Ndryshe, Dua është duke punuar në projekte të reja muzikore, ndërsa Agnesa po vazhdon me krijimtarinë në fushën e modës. /Telegrafi/