Defekt në ujësjellës, disa zona të Prishtinës mbesin pa ujë

Rrugët “Bajram Bahtiri” dhe “Tomori” si dhe fshatrat Llukar dhe Makovc kanë mbetur sonte pa ujë për shkak të një defekti që ka ndodhur para mbrëmjen e së hënës në rrugën “Bajram Bahtiri”, Prishtinë.

Në njoftimin e Kompanisë Rajonale të Ujësjellësit Prishtina thuhet se punimet në korrigjimin e këtij defekti janë ndalur për shkak të rrezikut të madh që është shkaktuar në këtë zonë nga shembja e dheut.

Bëhet e ditur se punimet do të vazhdojnë nesër (e martë) në orët e hershme të mëngjesit.