Juventusi pësoi humbje të papritur në pesë minutat e fundit kundër Manchester Unitedit.
Në minutën e 86-të Juan Mata barazoi rezultatin me një super gol gjersa me autogol, Alex Sandro tre minuta më vonë vulosi fitoren 2-1 të ekipit të Jose Mourinhos.
Epërsinë klubit italian ia dha Cristiano Ronaldo në të 66-tën minutë pas një pasimi të saktë të Leonardo Bonuccit.
E pikërisht Ronaldo ka folur rreth takimit me ish-skuadrën, duke thënë se Djajtë e Kuq nuk luajtën shumë mirë dhe se Juve e ka merituar fitoren.
"Jam shumë i lumtur për golin, por jam pak i zhgënjyer me rezultatin", tha Ronaldo për Viasport duke shtuar se "Duhet ta kemi fituar lehtë këtë ndeshje".
"Është dashur të shënojmë tre, katër gola gjersa Manchester nuk bëri shumë, sipas mendimit tim".
"Ata krijuan dy gjysmë raste. Gjithmonë janë në kërkim të këtyre gjërave, por ne do të mësojmë nga gabimet tona dhe jemi ende në krye të grupit", tha portugezi.
Pas kësaj, Juventusi ka nëntë pikë dhe zë pozitën e parë të grupit gjersa dy më pak i Manchester United. /Telegrafi/