Chelsea ka triumfuar me rikthim 2-1 ndaj Arsenalit në ndeshjen e vlefshme për javën e 20-të në Ligën Premier.
Blutë kanë arritur ta fitojnë derbin e tensionuar lokal ndaj Topçinjve në Emirates, ku u jepen plot nëntë kartonë të verdhë.
Pjesa e parë e ndeshjes u karakterizua me lojë të barabartë nga të dyja skuadrat, por me vendasit për një nuancë më të mirë duke shënuar edhe një gol.
Goli i vetëm në këtë pjesë erdhi në minutën e 13-të të ndeshjes dhe ishte Pierre-Emerick Aubameyang, i cili shënoi për 1-0 pas asistimit të Callum Chambers.
Në pjesën e dytë, Blutë e Londrës morën dominimin duke rrezikuar shumë në kërkim të golit dhe arritën ta përmbysin rezultatin.
Goli i barazimit nga Chelsea erdhi në minutën e 83-të dhe ishte Jorginho, i cili shënoi për 1-1 pas një gabimi amatoresk të portierit Bernd Leno dhe kjo i dha zemër mysafirëve.
Pas këtij goli të barazimit, sulmuesi Tammy Abraham shfrytëzoi një kundërsulm për të shënuar për 2-1 në minutën e 86-të dhe vulosi fitoren e ekipit të tij.
Pas kësaj fitore, Chelsea e sheh veten në pozitën e katërt me 25 pikë, ndërsa Arsenali renditet i 12-ti me 24 pikë.
Në ndeshjen e radhës, Topçinjtë e presin Manchester Unitedin, ndërsa Chelsea udhëton te Brightoni. /Telegrafi/
https://twitter.com/AFCvideosHD_/status/1211289619922399232
https://twitter.com/T_rawkz/status/1211313299289235456
https://twitter.com/sporsayfasi/status/1211313605632806912