Edinson Cavani do të largohet nga Manchesgter United pas dy viteve qëndrim në Old Traford.
Sulmuesi uruguaian ka mbetur lojtar i lirë pas përfundimit të kontratës dhe Manchester United nuk i ka ofruar rinovimin.
Megjithatë Cavani në tavolinë ka shumë oferta, por që ende nuk ka vendosur se ku do ta vazhdojë karrierën e tij.
E ardhmja e sulmuesit është mes kampionatit spanjoll La Liga dhe atij italian Serie A.
Janë plot shtatë skuadra që po kërkojnë shërbimet e uruguaianit, ku katër vijnë nga La Liga dhe tri të tjera nga Serie A.
Villarreal, Real Sociedad, Rayo Vallecano dhe Real Betis e duan Cavanin në La Liga, derisa Roma, Fiorentina dhe Salernitana kanë shprehur interesim për ta rikthyer atë në Itali.
Interesim për sulmuesin 35-vjeçar kanë shprehur edhe skuadrat nga MLS, por Cavani është i vendosur të qëndrojë në Evropë së paku edhe për një vit.
Reprezentuesi uruguaian ka kërkesa të larta për një pagë prej rreth pesë milionë euro në sezon dhe ky mbetet problemi i vetëm mes klubeve dhe atij.
Gjithsesi sipas mediave në Spanjë, Villarreali është favoriti kryesor për të nënshkruar me ish-anëtarin e PSG-së dhe Palermos. /Telegrafi/