Beyonce ndau me fansat një sërë fotografish mahnitëse nga koncerti i saj për 4 Korrikun në kuadër të turneut “Cowboy Carter”, ndërsa vazhdoi të mbajë heshtje për vendimin më të fundit gjyqësor që përfshin mikun e saj të vjetër, Diddy.
Ylli 43-vjeçar festoi Ditën e Pavarësisë me një paraqitje spektakolare me ngjyrat e flamurit amerikan në stadiumin Northwest në Landover, pranë Uashingtonit, DC.
Megjithëse ajo dhe bashkëshorti i saj Jay-Z kanë qenë miq të afërt me Diddy-n për dekada, të dy nuk kanë komentuar publikisht për akuzat për sjellje të pahijshme seksuale ndaj tij — përfshirë edhe një padi të mëparshme që përmendte të dy burrat, shkruan DailyMail.
Jay-Z e ka mohuar me forcë përfshirjen në çështje, ndërsa padia u tërhoq në muajin shkurt. Këtë javë, Diddy u shpall fajtor për akuza më të lehta, ndërsa akuzat më të rënda për trafikim seksual dhe shantazh u rrëzuan.
Në skenë, Beyonce mahniti me një kostum trupi të zbukuruar me yje dhe çizme argjendi, ndërsa balerinët, skena dhe publiku pasqyronin atmosferën festive me ngjyrat kuq, bardhë dhe blu.
Pas performancës, ajo postoi foto në Instagram, përfshirë një imazh me shampanjën luksoze të bashkëshortit të saj, por pa asnjë koment për çështjen që ka tronditur industrinë e muzikës.
Pas suksesit të madh në Londër dhe Paris, ku performoi me Jay-Z dhe vajzën e tyre Blue Ivy, Beyonce vazhdon turneun e saj në SHBA, ndërsa publiku pret nëse superylli do të reagojë për herë të parë ndaj situatës që ka përfshirë rrethin e saj të ngushtë. /Telegrafi/