Ben Affleck është bërë sërish temë diskutimi në rrjete sociale pas një daljeje në Los Angeles, ku u pa duke ngrënë një mollë në mënyrë të çuditshme, pa përdorur duart, ndërsa po hipte në një makinë gjatë angazhimeve të tij të përditshme.
Aktori 53-vjeçar u shfaq me stil të thjeshtë, duke tërhequr vëmendjen jo vetëm për paraqitjen, por edhe për sjelljen e tij që shpesh shndërrohet në meme në internet, shkruan DailyMail.
Dalja e tij vjen në një periudhë kur ai ka qenë në qendër të lajmeve edhe për jetën personale, përfshirë marrëdhëniet me ish-bashkëshorten Jennifer Lopez dhe zhvillimet rreth ndarjes së pasurisë së tyre të përbashkët.
Affleck, i njohur për reagimet dhe shprehjet e tij që shpesh bëhen virale, duket se ka shtuar edhe një tjetër moment në listën e skenave që fansat i kthejnë në meme në rrjete sociale. /Telegrafi/
