Barcelona ka konfirmuar se sulmuesi i tyre, Luis Suarez, ka pësuar një lëndim në gju gjatë ndeshjes ndaj Valencias dhe pritet të mungojë më shumë se një muaj.
31-vjeçari nuk do të bashkohet me shokët e tij të kombëtares së Uruguait, pasi ka pësuar një lëndim në gjurin e tij.
Lëndimi i Suarezit erdhi në ndeshjen e së dielës mbrëma në udhëtimin e tyre në Mestalla ndaj Valencias, në ndeshjen e përfunduar me barazim 1-1.
Është vet klubi katalunas që ka njoftuar për problemin e Suarezit, teksa ka shtuar se diagnoza dhe kohëzgjatja e lëndimit do të dihet në ditët e ardhshme.
"Gjatë ditëve të ardhshme, Suarez do t'i nënshtrohet forcës individuale dhe punës parandaluese në Ciutat Esportiva," thuhet fillimisht në komunikatën e Barçës.
"Progresi i tij do të shihet dita ditës dhe do të përcaktohet disponueshmëria e tij".
Suarez ka shënuar tre gola në 11 paraqitje për gjigantët katalunas deri tani këtë sezon.
Sipas mediave italiane, Suarez pritet të mungojë më shumë se një muaj dhe Barcelona rrezikon t'i luajë dy ndeshjet e Ligës se Kampionëve pa të.
Barcelona së pari do të luajë ndaj Interit në Camp Nou me 24 tetor, ndërsa pas dy jave, me 6 nëntor në Giuseppe Meazza. /Telegrafi/